tlhIngan Hol ghojmoHbogh 'ej lo'bogh 'ampaS 'oH tlhIngan Hol yejHaD'e'.
motlh[]
Klingon Language Institute (KLI) 'oH DIvI' Hol pongDaj'e'. USADaq 'oH yaHDaj'e'. 2500 muvwI'pu' ghaj KLI. vaghmaH yoSmey luDab, Hoch tera'Daq SepmeyDaq chaH lutu'lu'. qaStaHvIS DIS poH loSlogh HolQeD paqHom lIng yejHaD. Hoch DIS qep'a'Daq ghom muvwI'pu', tlhIngan hol jatlhmeH 'ej ghojmeH 'ej ja'chuqmeH. jInmol law' ta' neH yejHaD. paq'a' (bible) mughlu'taH, 'ej Hamlet mughlu'ta'.
qo'mey poSmoH Hol 'oH tlhIngan Hol yejHaD bey'a'.
qun[]
tera' DIS 1992 USA-Daq KLI taghlu'. vagh jaj nI' qep'a', pa' ghom Hoch tlhIngan Hol jatlhwI' tIvwI' je. tlhIngan Hol jatlhlu', 'ej loQ DuSaQ rur wanI'. reH USA-Daq qaSpu' qep'a', 'ach DIS 2001 BrusselsDaq (Europe SepDaq) qaSpu' qep'a' chorghDIch. qep'a' Suchbe'laHchugh vay, vaj qepHom jeSlaH je.
DIS 2003 qep'a'Daq ghe'naQ'a' chenmoHpu' vay'. Earthlings, ugly bags of mostly water ("tera'nganpu', bIQ ngaSwI' moH") 'oH lutvam pong'e'.
DevwI'[]
tlhIngan Hol yejHaD tagh 'ej Dev Lawrence M. Schoen, Ph. D.
roD taghwI'pu' pabpo' wIvlu'. taghwI'pu'vaD tlhIngan Hol ghojmoHwI' QIjwI' Da ghaH. Qu'Daj bupDI' pabpo'vam, 'utlh moj 'ach pabpo' ghaHtaH. DaHjaj cha'maH pabpo'pu' ghaj yejHaD.
Marc Okrand Sovqu' yejHaD, tlhIngan Hol 'oghwI' ghaH. Hoch qep'a' Suchta' ghaH. pa' mu'tay' neHlu'bogh tetlh ngev, 'ej chaq 'oHvaD jang. ghIq HolQeDDaq mu'mey chu' lu'aghlu'.
paqmey[]
- HolQeD
- loSlogh paqHomvam lIng tlhIngan Hol yejHaD. pab qellu', tlhIngan ghItlhmey, latlh De' potlh ghaj.
- A Pictorial Guide to the Verbal Suffixes of tlhIngan Hol (1995, ISBN: 0-9644345-0-4)
- „wot mojaqmey Delbogh paq“. mojaqmey Delbogh nagh beQmey'e' ghaj paqvam. Do'Ha' paqvam tu'lu'be'.
- ghIlghameS (2000, ISBN 1587153386).
- tlhIngan HolvaD lutvam mughta' Roger Cheesbro, loQ ghItlh Lawrence M. Schoen je.
- The Klingon Hamlet (2000, ISBN 0-671-03578-9)
- Hamlet ta' puqloD lotlut mughta' Nick Nicholas, QaHta' KLI. jInmolvam taghlu', Hov leng 6: Sep tu'be'lu'ta'bogh jatlhmo' ghorqon Qang (David Warner): „SeQpIr tIvqu'meH 'ej yajqu'meH tlhIngan Hol lut DalaDnIS.“ .
- paghmo' tIn mIS (2003, ISBN 158715501X)
- latlh SeQpIr jInmol, mughta' je Nick Nicholas.
- From the Grammarian's Desk (ISBN: 0-9644345-3-9)
- HolQeDvo' pab qelqu'pu' HoD Qanqor, tlhIngan Hol yejHaD pabpo'na'. jeSwI' wa'DIch ghajbej. Do'Ha' paqvam tu'lu'be'.