QarghmeyDaq Qam negh.
yol'a' 'oH tera' noH'a' wa'DIch'e'. DIS 1914 tagh, 'ej DIS 1918 mev. Hegh Hut'uy' nuvpu'. vatlh DIS poH cha'maHDIch, yuQ qun SIghchu'.
mab woQmey (DIvI' Hol: Entente Powers) Dev vIraS, raSya', tuqjIjQa'. 'Italya', 'amerI'qa' SepjIjQa' je. botlh woQmey (DIvI' Hol: Central Powers) Dev Austria-Hungary, DoyIchlan, Ottoman wo' je. botlh woQmey jey mab woQmey.
'ev may' HeHDaq lullu'(DIvI' Hol: Western Front). puHvamDaq Qarghmey, tlhoy'mey je luchenmoHlu'. puHvam luDoQ cha' boqmey 'ej luDan luneH. qaStaHvIS noHvam, pIj Qarghvam pat lo'qu'lu'. chan may' HeHDaq (DIvI' Hol: Eastern Front), tInqu'mo' puH 'ej yapbe'mo' He pat, QarghmeyDaq tlhetlhlaHbe' cha' boqmey. 'ach 'evDaq, chanDaq je tInqu' yol. 'Italya' HeHDaq, botlh chanDaq je pe'vIl lullu' je. puHDaq, bIQ'a'Daq, chalDaq je may' tu'lu'.
noHvammo' chenHa' loS wo'mey: Dej Austro-Hungarian wo', DoyIchlan wo', Ottoman wo', raSya' wo' je. yermey HutlhchoH DoyIchlan 'ej tlhabchoH Czechoslovakia, Estonia, SuwomIy, Latvia, Lithuania, Poland, Yugoslavia je.
Napoleon noHmey qaSpu'DI', DevchoH 'op 'obe'mey. noH'a' wa'DIchmo', ngab 'obe'meyvam. chenpu'bogh ghu'vammo', latlh meqmeymo' je, ghIq pay' qaSchoH noH'a' cha'DIch.