|
|
This article was originally created inside the Klingon language section of Wikipedia. |
HolQeD HaDlu'taHvIS, DIpmey toghmeH mIw 'oH mI''e'.
toghmeH mI'[]
QoQ wab pongmeyvo' mI'mey lutlhaplu'. bIH lulo'lu'pa', wej mI' neH lutu'lu'.
DaHjaj mI'meyvetlh wIlo', Dochmey toghmeH:
- 0 - pagh
- 1 - wa'
- 2 - cha'
- 3 - wej
- 4 - loS
- 5 - vagh
- 6 - jav
- 7 - Soch
- 8 - chorgh
- 9 - Hut
mI' pab[]
mI' mojaqmey mI' moHaqmey joq lo' 'op Holmey, 'ach mI' lulo'be'qu' latlh 'op Hol.
wej mI' mojaqmey ghaj tlhIngan Hol: DIp mojaq Segh cha'DIch. mobchugh Doch, mojaq lo'be'nISlu'; law'chugh Dochmey, mojaq lo'lu', 'ach tlhIngan Hol lo'lu'taHvIS, lo'nISbe'lu'.
- Hol lulo'laHchu'bogh Dep yoq ghap Del mojaq -pu'.
- porgh 'ay'mey Del mojaq -Du'.
- Hoch latlh Dochmey Del mojaq -mey.
law'taHvIS, mojaqmey lo'be' 'op DIpmey'e'. law'chugh Dochmeyvam, choHchu' mu':
- mob jengva', law' ngop
- mob Sup, law' jo
- mob DoS, law' ray'
- mob mang, law' negh
- mob peng, law' cha
- mob qempa', law' no'
- mob vIj, law' chuyDaH
tlhIngan Hol pab taQ yIbej.