tlhIngan Hol
Advertisement
República Federativa do Brasil
bIraSIw DIvI' qum
joqwI'
Degh
(joqwI') (Degh)
jey': "Ordem e Progresso"
(qarghach Ser je)
Hol portughal Hol
mon Brasília veng
woQ Segh che'wI' ghajbogh DIvI' qum
Qang Luiz Inácio Lula da Silva
area 8,514,877 km²
nganpu' 188,078,261
puHghom 22 ngan ngaS wa' km²
Huch Brazilian Real
tlhabmeH DIS 1825
van bom bIraSIw van bom
poH mI' UTC -2/-5
Duj Degh BR
Internet-TLD .br
ghogh HablI' mI' +55
Location Brazil.svg
bIraSIw Daq


bIraSIw DIvI' qum (República Federativa do Brasil) 'oH 'bIraSIw' woQ pong'e'. bIraSIw puH tIn law' Hoch tIng 'amerI'qa' Sepmey puH tIn puS. loS Sepmey nganpu' law' law' bIraSIw nganpu' law' puS. 2,128,719 meyrI' qelI'qam 'ab 'ej juch puHDaj. tIng 'amerI'qa' botlh, Atlantic bIQ'a' jojDaq 'oH. 'evDaq, veneSwe'la' HeH, Suriname HeH, Guyana HeH, French Guiana HeH, Colombia HeH, pe'ru' HeH, Bolivia HeH je retlhDaq 'oH. tIngDaq, pa'raghway HeH, 'arHentInya' HeH, Uruguay HeH je retlhDaq 'oH. 3,683 qelI'qam 'ab bIQ'a' HeHDaj. bIraSIw puHHommey law''e' Dech bIQ'a'.

tuj 'ej yIQ muD motlh. tIngDaq, loQ bIr 'ach pIjHa' peD. ghaptal 'ay', Capricorn gho 'ay' je ngaS puHDaj. Sar Ha'DIbaHmey, tI je. puH jo law' ghaj.

DIS 1500, portughal mID moj bIraSIw puH 'ej DIS 1822, qum'eghbogh Sep moj. DIS 1889, woQ yaSpu' wIvchoH rewbe'pu'Daj. DIvI' yoS, yoSmey, veng yoSHommey je ghaj DIvI'. DaHjaj, wa' DIvI' yoS, 26 latlh yoSmey, 5,564 veng yoSHommey je lutu'lu'.

bIQ'a' retlh vengmey tIn Dab bIraSIw roghvaH HochHom. tera'Daq, nIvqu' bIraSIw nganpu' mI', 'ach puH tIn luDab. 'ev luDab nganpu' puS. Seghmey Sar ghaj bIraSIw roghvaH. bIraSIw luDab 'ewrop Sungpu', 'amerI'qa' Sungpu', 'avrI'qa' Sungpu' 'ej 'aSya' Sungpu'. pIj Seghmey Sar ghaj no'. portughal Hol 'oH woQ Hol'e'. Catholicism lalDan pab roghvaH HochHom, 'ach qen law'choH Protestantism lalDanmey pabwI'pu'.

qun[]

Pedro cha'DIch ta'

11,000 ben, bIraSIw luDabchoH roghvaHmey wa'DIch. DIS 1500, bIraSIw lupaw portughal charghwI'pu''e' DevlI'bogh Pedro Álvares Cabral. qaStaHvIS 300 DISmey veb, bIraSIw luDabchoH je portughal Sungpu'. wa'DIch, bIraSIw Sor Hap (Brazilwood) luSuq, ghIq na'ran naQ (sugarcane), qa'vIn je poch. ghIq baS qub luteq. wa'DIch, vum 'amerI'qa' Sungpu' 'e' luraD. DIS 1532, 'avrI'qa' Sungpu' lo'choH. DIS 1808, bIraSIwDaq Haw' portughal chuQun. luDev Maria wa'DIch ta', puqloDDaj je, João javDIch. Napoleon mangghomvo' nargh 'ej Rio de Janeiro veng luDabchoH woQ yaSpu', chuQun je. DIS 1821, chegh, 'ach lengvammo' malja' verghmey naw'choH tuqjIjQa' 'ej nIvchoH bIraSIw patlh. ngugh "bIraSIw qum tay' Devbogh portughal woQ" moj. mejpu'DI' João javDIch, bIraSIw qum lubaqmoH 'e' lunID ratlhbogh woQ yaSpu'. mID mojqa' bIraSIw luneHmo', vaylu'choH. may'meyvamvaD, tlhabmeH bIraSIw noH ponglu'. DIS 1822, jar 9, jaj 7, bIraSIw tlhab maq Pedro wa'DIch. tlhabbogh "bIraSIw wo'" cher. DIS 1825, jar 8, jaj 29, wo' tlhab ghovmeH mab lulaj tuqjIjQa', portughal je. cha' wo'meyDaq woQ ghajtaHmo' Bragança tuq, cha' 'ay'mey moj portughal wo' net noHlaH. latlh tIng 'amerI'qa' SepmeyDaq, pIm tlhabmeH Qu'mey. Britain wo' qum wIvlu'bogh rur bIraSIw wo' qum 'e' chID woQ, 'ach Austria wo' HI'tuy rurba'. DIS 1835, qaS toy'wI''a'pu' Daw' potlhqu'. Malêpu' Daw' (Malê Revolt) ponglu'. toy'wI''a'pu' lughajlu' DIS 1888 'e' botmeH, chut Do' (Golden Law) laj Isabel ta'Hom. ghIq, 'ItlhchoHmeH laSvaghmey, 'ewrop Sungpu' law'qu' lumuvmoHlu'. Pedro wa'DIch cho' puqloDDaj, Pedro cha'DIch. qantaHvIS Pedro cha'DIch, QochchoH mangghom, qum je. Paraguay noHmo' qaS yolvam. DIS 1889, jar 11, jaj 15, qum lonnIS Pedro cha'DIch. ngugh, DIvI' qum ("bIraSIw yoSmey tay' qum") cher Deodoro da Fonseca 'aj.


qaStaHvIS vatlh DIS poH 19-DIch paS, vatlh DIS poH 20-DIch 'eq je, bIraSIw luDabchoH vagh 'uy' 'ewrop Sungpu', tIng 'aSya' Sungpu', nIpon Sungpu' je. ngugh HachchoH bIraSIw 'ej 'ev charghlu' 'ej DabchoHlu'. HI'tuymey chermeH, wejlogh qum wIvlu'pu'bogh lonmoHlu'. cha'logh gheS Getúlio Vargas. DIS 1964, qumchoH QI' Sa'pu' Sar. gheSmeH Sa'pu'vam, jIj USA qum. DIS 1985, latlh qum pat cherlu'. qum Qang'e' wIvlu'pu'bogh rewbe'pu', 'ach chut yejmey nISlaHbe' Qang.

qum, woQ je[]

chut yejmey qach.

Brasília veng 'oH bIraSIw mon'e'. qum pat cher DIS 1988 chut'a' maqlu'bogh. Sep 'oSbogh qum yaS'a''e' ghaH Qang'e'. chut yejmey nISlaHbe' 'ej gheSHa'moHlaHbe' Qang. chut yejmeyvaD tlhIjnISbe' Qang. roghvaHvaD ngoy' roghvaH 'oSwI'pu'. DaHjaj Luiz Inácio Lula da Silva ghaH Qang'e'. DIS 2006, jar 10, jaj 29 ghaH wIvqa' roghvaH HochHom. DIS 2010, qum 'e' mev. woQ tlhab qItmoHmeH, law' woQ tlhachmey.

wej woQ patlhmey lutu'lu'. Sep loH DIvI' woQ. DIvI' woQ lulobnIS yoSmey woQmey, vengmey woQmey je. roma' wo' chut pat 'oH bIraSIw chut pat mung'e'.

qaSpu'DI' loS DISmey, Qang wIv roghvaH. wa'logh Qang rap wIvqa'laH roghvaH. chutmey chenmoH 'ej chaw' chut yejmey. cha' patlhmey lutu'lu'. yoSmey 'oS yej nIv 'ej roghvaH 'oS yej QIv. qaSpu'DI' loS DISmey, yej QIv jeSwI'pu' wIv rewbe'pu'. qaSpu'DI' chorgh DISmey, yej nIv jeSwI'pu' wIv rewbe'pu'.

puH[]

Amazon bIQtIq.

'ev puH 'eSDaq 'oH Amazon ngem HochHom'e'. chanDaq, tIngDaq je, tI puS, HuDHommey je lutu'lu'. pa' luDab HochHom bIraSIw nganpu' 'ej pa' HochHom Du' naHmey luwIjlu'. Atlantic bIQ'a' HeH retlhDaq, 'op HuD SIrghmey lutu'lu'. Pico da Neblina HuD jen law' Hoch bIraSIw HuDmey jen puS. nIv Amazon bIQtIq bIQ 'op. Paraná bIQtIq, Iguaçu bIQtIq, Negro bIQtIq, São Francisco bIQtIq, Xingu bIQtIq, Madeira bIQtIq Tapajós bIQtIq je bIH latlh bIQtIqmey potlh'e'. Iguaçu bIQtIqDaq, Iguaçu qojmey lutu'lu'. muD tuj yIQ je ghaj bIraSIw HochHom 'ej qaStaHvIS wa' DIS, choHqu'be' muD Dotlh. 'ach tIngDaq, loQ bIr 'ej 'op yotlhmey jenDaq, rut peD. Amazon bIQtIq retlhDaq pIj SIS, 'ach chanDaq puH QaD tu'lu' je. bIraSIw puHHomey law' Dech 'atlantIq bIQ'a'. loHmeH, motlh vagh yoS'a'mey luqellu': 'ev yoS'a' (North Region), botlh 'ev yoS'a' (Central-West Region), tIng yoS'a' (South Region), tIng chan yoS'a' (Southeast Region) 'ev chan yoS'a' (Northeast Region) je.

vengmey tlhoQ botlhDaq 'oH São Paulo veng'e'. malja' Daq potlh 'oH.

  • 45.27% bIraSIw puH ghaj 'ev yoS'a' 'ach puS nganpu'Daj. vengmey tIn bIH Manaus veng'e', Belém veng'e' je 'ach 'ItlhHa'qu' 'ej laSvaghmey Hutlh chuvmey. Amazon ngem luDab 'amerI'qa' Sungpu' tuqmey law'.
  • botlh 'ev yoS'a' luDab nganpu' puS. pa' bIH Pantanal puH yIQ'e', Amazon ngem 'ay' mach'e', Cerrado lav puH tIn'e' je. potlhqu' je Du' naHmey. potlh Brasília veng, bIraSIw mon.
  • mIp tIng yoS'a' nganpu'. yoS'a' bIr 'oH 'ej vogh jenDaq rut peD. luDabchoH 'ewrop Sungpu' law'. tIghmey SIghchu' DoyIchlan no', 'talya' no', portughal no' Slav no' je. potlh Porto Alegre veng Curitiba veng je.
  • mIp law' ghaj tIng chan yoS'a'. nganpu'Daj law' law', Hoch tIng 'amerI'qa' Sepmey nganpu' law' puS. pa' 'oH vengmey tlhoQ tInqu''e'. São Paulo veng, Rio de Janeiro veng je ngaS tlhoQvam. Sarqu' yoS'a'. malja' tlhoQ ghaj São Paulo veng. potlh je Minas Gerais vengmey tIQ Belo Horizonte veng je. yuQ HochvaD noy Rio de Janeiro bIQ'a' HeH.
  • 'ev chan yoS'a' Dab 25% bIraSIw roghvaH. tIghmey SIgh portughal mID bov, 'avrI'qa' Sungpu' tIghmey, 'amerI'qa' Sungpu' tIghmey je. yoS'a' mIpHa' 'oH 'ej qaStaHvIS poHmey nI' QaD muD Dotlh. noy bIQ'a' HeHDaj. potlh Recife veng, Salvador veng Fortaleza veng je.

Depmey[]

SuD 'ej tIn toucan neb.

yaghghmey patmey law' ngaS bIraSIw puH tInqu'. tInmo' bIraSIw puH 'ej pImmo' bIraSIw yaghmey patmey, bIraSIw Depmey Sar law', Dat Depmey Sar puS. vatlh DIS Qav, pay' ghur roghvaH, mIp je. ghu'vammo' QatlhchoH Daqmey'e' Dabbogh Depmeyvam QanmeH Qu'. ngemmeyvo' Sor Hap teqlu'lI', chaw'chugh woQ pagh chaw'be'chugh. vaj tI puH tInqu', Depmey mutmey law' je luQaw'lu'taH. HochHom bIraSIw mutmey lutu'be'lu'pu'. DIS 2020, ngabpu' bID Hoch mutmey net noH.

pIj mutmey chu' lu'ngu'lu'taH 'ej Do'Ha' pIj ngabtaH latlh mutmey. bIraSIwDaq, 77 mughato' mutmey lutu'lu'. 3000 bIQ na'be' ghotI' mutmey lutu'lu'. Daqmey luQaw'lu'taHbogh Dab mutmey law' lubuQlu'bogh.

roghvaH[]

Seghmey[]

Heghpu'bogh tuqnIghpu' vanmeH, tay lulop 'amerI'qa' Sungpu'.

Sarqu' bIraSIw roghvaH 'ej Seghmey law' ghaj. HochHom bIraSIw nganpu' lubuvlu'meH, loS juHmey luqellu'. wa'DIch, 'amerI'qa' Sungpu' chaH bIraSIw nganpu' wa'DIch'e'. Siberia lumej 'ej Bering bIQ He luvegh. cha'DIch, DIS 1500, luDabchoH portughal Sungpu'. wejDIch, DIS 1530, pe'vIl 'avrI'qa' Sungpu' luqemchoHlu'. DIS 1850, toy'wI''a' malja' botlu'. tagha', vatlh DIS poHmey 19-DIch 20-DIch je, paw Sarbogh 'ewrop Sungpu', chan 'aSya' Sungpu', tIng 'aSya' Sungpu' je.

wejlogh 'amerI'qa' luDabchoHlaw' chan 'aSya' nganpu'. bIraSIw Sungpu' no' chaHlaw' ghom wa'DIch'e'. bov motlh ret (before the Common Era), DIS 9.000, bIraSIw lupawlaw'. Tupi-Guarani, , Arawak Carib je chaH Sungpu' ghommey tIn'e'. bIQ'a' HeH Hoch luDab Tupi-Guarani nganpu'. 'ev HochHom luDab nganpu'. 'ev luDab Arawak nganpu' Carib nganpu' je.

vatlh DIS poH 16-DIch, lupawchoH 'ewrop Sungpu'. portughal nganpu' chaH HochHom'e'. wa'DIch, chan luDabchoH. vatlh DIS poH 18-DIch, 'ev luDabchoH.

HochHom bIraSIw mung nganpu' luchotlu'pu' pagh portughal tIghmey laj net raD.

latlh ghom potlh 'bIH 'avrI'qa' Sungpu' Seghmey'e'. toy'wI''a' chaH. DIS 1850, bIraSIwDaq wej 'uy' toy'wI''a'pu', vagh 'uy' toy'wI''a'pu' joq qemlu'pu'. mubtaHvIS toy'wI''a' ghajmeH 'eb, chen mungmey Sar ghajbogh Segh chu''e', pIj pe'vIl ngaghmo' qoj pIj parmaqmey pegh ghajmo' pInpu' chIS toy'wI''a'pu' je.

vatlh DIS poH 19-DIch paS, vatlh DIS poH 20-DIch 'eq je, bIraSIw luDabchoH 'ewrop Sungpu' law'. lupaw vagh 'uy' pagh mI' nIv. cha' ghommey lutu'lu'. Du'mey mach QorghmeH, tIng jaH wa' ghom. 'ach qa'vIn pochmeH 'ej yobmeH, chan jaH HochHom DabchoHwI'pu'. DoyIchlan Sungpu', 'Italya' Sungpu' je chaH HochHom tIng nganpu' chu''e'. Italy Sungpu', portughal Sungpu', 'eSpanya' Sungpu' chaH HochHom chan nganpu' chu''e'. vatlh DIS poH 20-DIch 'eq, bIraSIw lupaw nIpon Sungpu', tIng Asia (Lebanon Surya' je) Sungpu' je.

bIQ'a' HeH Dab roghvaH HochHom. 'ev nganpu' puS lutu'lu'. 'ewrop mung lughaj HochHom tIng nganpu'. mungmey Sar ghaj HochHom chan nganpu'.

Holmey[]

portughal Hol 'oH woQ Hol'e'. 'oH jatlh roghvaH HochHomna'. DuSaQmeyDaq Holvam neH lo'lu'. QummeH 'ej mechmeH 'ej loHmeH, 'oH lo'lu'. latlh tIng 'amerI'qa' SepmeyDaq, motlh portughal Hol jatlhbe'lu'mo', bIraSIw Sep ngu'meH potlhna' 'oH.

bIraSIwDaq portughalDaq je, chenpu' cha' HolHommey. lupojlu'DI', choHqu'be' bIraSIw HolHom QIch pat net tu', vaj portughal Hol tIQ rur bIraSIw HolHom. bIraSIw HolHom luSIghchu' 'amerI'qa' Sungpu' Holmey, 'avrI'qa' Sungpu' Holmey je. motlh yajchuqlaH portughal jatlhwI'pu', bIraSIw jatlhwI'pu' je, 'ach loQ pIm QIch pat, mu'tay' ghItlh pat je.

'op vengHommeyDaq, Hoch jajmey, Holmey Sar jatlh 'amerI'qa' Sungpu'. portughal Hol luSov Sungpu' law', 'ach Sungpu' Holmey lughojmoHlu' 'ej luchoqmoHlu' DaHjaj net tungHa'.

tIng Du'meyDaq, latlh Holmey jatlh no' nov ghajbogh nuvpu''e'. motlh portughal Hol lujatlh je. potlh DoyIchlan Hol, Pomeranian Hol, Venetian Hol je. São Paulo vengDaq, nIpon Hol lujatlh 'op nganpu' je.

DuSaQDaq DIvI' Hol HaDnISlu' 'ach lujatlhlaHchu' bIraSIw nganpu' puS. 'eSpanya' Hol luyajlaH bIraSIw nganpu' law'. puHmey HeHmey retlhDaq, luyaj nuvpu' law'qu'.

tIghmey[]

qurgh qIj, ghab QaD, qogh, ghIch tlhuQ je ngaS feijoada motlh.

portughal tIghmey bIH bIraSIw tIghmey mung'e'. Catholicism lalDan, portughal Hol, lurDechmey law' je luqem portughal Sungpu'. Seghmey Sar ghajmo' bIraSIw, tIghmeyDaj SIgh latlh tIghmey law'. Hol, Soj je SIgh 'amerI'qa' Sungpu'. Hol, Soj, QoQ, mI'meH mIw, lalDan je SIgh 'avrI'qa' Sungpu'. potlh mI'meH samba QoQ, capoeira moQbara' je.

HochHom jajmey, motlh qurgh, tIr chIS, tangqa' ghab je luSoplu'. nay' motlh 'oH feijoada'e'. qurgh qIj, targh Daghtuj je ngaS 'oH. tlhorgh nay'mey law'. lav 'oQqar, ghotI' je luSoplu' je.

watlhchoHpu'bogh HIqmey qem portughal Sungpu'. ghIq na'ran naQ (sugarcane) HIq lulIngchoH 'ej lutIvqu'choH bIraSIw nganpu'. naH HIq, tIr HIq je lutlhutlhlu' je.

QeD, cham je[]

'ev chan yoS'a' baHjan.

São José dos Campos, Campinas, São Carlos, Rio de Janeiro, Curitiba, Porto Alegre, Belo Horizonte, Recife, São Paulo je bIH cham law' lIngbogh 'op bIraSIw vengmey'e'.

De' cham yuQ malja' SIghqu' barat jungwoq je. Sepmeyvam De' cham rur bIraSIw De' cham, 'ach nIv bIraSIw qoD je'pu' mI'. vaj, latlh SepmeyvaD De'wI' patmey puS ngev. Sep qoDDaq ngevlu' 'ej malja' patmey, Hub patmey, CRM patmey, qum De' cham patmey, pIvmeH QaH patmey je lughunlu'DI', po'qu' bIraSIw De' cham. ngoq tlhab lo'choH 'e' nID bIraSIw qum 'ej ghajwI' ngoq lon 'e' nID.

logh chargmeH jInmol SeH bIraSIw logh yejHaD (Brazilian Space Agency). baHjan qach loH je.

Advertisement