tlhIngan Hol
Advertisement
Deutschland
DoyIchlan
joqwI'
Degh
(joqwI') (Degh)
Hol DoyIchlan Hol
mon Berlin
voDleH Frank-Walter Steinmeier
Qang Olaf Scholz
area 357,050 km²
nganpu' 81,859,000
puHghom 229 ngan ngaS wa' km²
Huch 'ewro (1 € = 100 ct)
taghmeH DIS 1949
van bom Deutschlandlied
poH mI' UTC +1
Duj Degh D
Internet-TLD .de
ghogh HablI' mI' +49
Europe location GER.jpg
'ewrop botlhDaq DoyIchlan tu'lu'

tera'Daq 'ewrop SepDaq DoyIchlan (DoyIchlan Hol: Deutschland) yoS tu'lu'. tera'vaD lenglu'DI' lurDechDajmo', Hatlh DunDajmo' pIj pa' ghIQlu'.

motlh[]

QubwI' yoS ponglu'bogh yoS luDab chorghmaH cha' 'uy' ghot. DoyIchlan Hol lujatlh DoyIchlan nganpu', 'ach pa' Dabmo' Soch vI' wej uy' novpu' Holmey law' lujatlhlu'. cha'vatlh qelIqam juch yoS 'ej vaghvatlh qelIqam 'aD. monDajvaD Berlin ponglu'. tay'qa'ghach 'oS vengvam, qaStaHvIS vaghmaH DIS wavlu'mo' DoyIchlan. 'a DIS 1990 jar wa'maHDIch jaj wej GDR (German Democratic Republic) ghanglu' 'ej DoyIchlan muvqa'. qaStaHvIS poH veb wa' veng mojchoH cha' Berlin 'ay'mey 'ej wa' yoS mojchoH cha' DoyIchlan 'ay'mey.

taghDI' tera' DIS 2002 'ewro Huch cherlu'. DoyIchlanDaq, 'ewrop SepDaq tay'bogh wa'maH wa' latlh yoSDaq je lo'choHlu'. Dajbej ghu'. 'ewro lo'choHlu'DI' baS nav je Huch lInglu'. DIllu'meH 'ul lo'lu'be'. QIjlu': wa' cigarette ngaSwI' DIlmeH loS 'ewro poQlu'. tera' latlh Huch potlh 'oH dollar 'e'. tlhoS, wa' dollar rur wa' 'ewro.

ghoch che'wI' je[]

Democracy 'oH DoyIchlan ngoch'e'. DaH DoyIchlan che' Olaf Scholz Qang, SPD tay'. qaStaHvIS wa'maH jav DIS che'taH CDU tay'bogh Helmut Kohl. jIbDaj nguvmoHlaw' Gerhard Schröder Qang 'a chIDlaHbe'ba' ghaH. DIS 2002 wIvqa'lu'. DevwI' potlh je ghaH Joschka Fischer Hur gharwI''e'. HaDtaHvIS DIS javmaH chorgh Daw' tlhej ghaH. qaSDI' gharwI' muvtay, qetmeH waq tuQ Fischer. DIS 1999 New York marathon chav ghaH. federal ngoch 'oHmo' DoyIchlan, yej qum je ghaj Hoch wa'maH jav yoSHom (bIHvaD Bundesland ponglu'). vaj yoSDaj che'meH ngochDaj lo' Hoch qum. rut HaDmeH yoS Hop qaq law' yoSHom Sum qaq puS 'e' lutu' HaDwI'pu' law'. (Qatlhqu'mo' DoyIchlan tIng yoS DuSaQmey, HaDmeH pa' ghoSbe' 'ev chan je HaDwI'pu'. ngoDvammo' HaDlu'meH QatHa' yoSHomvam.)

potlh lupwI'[]

tera' Sepmey pIm law' DoyIchlanmey pIm nIb. 'evDaq bIQ'a' Hatlh 'IHqu' tu'lu' 'ej tIngDaq HuD tIvlu'. ngoDmeyvammo' yoSDajDaq lengchu' 'e' lutIv DoyIchlan nganpu'. ngeDqu' lengmey Dat Hemey law'qu' ghajmo' yoS. tIngvo' 'evDaq, 'evvo' chanDaq ngeD lengmeH Qu' 'ej waghbe' lupwI'. baS lupwI' tu'lu', bIQDaq lenglu', muDDaq lenglu', 'ej ghorDaq nIn SIp meQbogh Duj lo' 'e' tIv tera'ngan. 'Itlhqu' DoyIchlan lengmeH pat, 'ach gho'Do neH lulo'laH. pa' Dabmo' ghot law', rut lenglu'meH cha' baS gho ghajbogh jan Huj lo' DoyIchlan nganpu'. janmeyvaD lenggho ponglu'.

Duj nongwI'pu' yoS[]

DoyIchlanDaq ghorDuj 'oghlu'. ('oHvaD automobile ponglu', vIHwI' 'oS mu'vam 'ej nIn meQ QuQDaj.) DoyIchlan cham Sov'a' 'oS Dujvam. DoyIchlanDaq 'op Duj lIngwI' tu'lu'bogh po' law' tera' Duj lIngwI' law' po' puS. Mercedes, Porsche, BMW je lIngmo' chaH, DoyIchlan 'op Duj Dun law'qu' tera' Duj Dun puS. ngoDvammo' DoyIchlan HeDaq Do wIvlaH Hoch chIjwI' net Harbej. tera'Daq pIjHa' qaS ghu'vam.

Qujlu' 'e' tIvlu'[]

DoyIchlanDaq Huch law' bajlu'. tera'Daq bajwI' nIv chaH DoyIchlan nganpu''e'. vumtaH neH chaH net Harlaw', 'ach teHbe'. roD football (moQQuj vIpong) 'oH bel potlh'e'. DoyIchlanDaq, 'ewrop SepDaq je lurDech tIQ 'oH Qujvam'e'. 'ach pay' DIS 1954 moQQuj worldcup (moQQuj qaD'a' 'oH, jeS Hoch tera' yoSmey) Qapchu'DI' DoyIchlan, noyqu'choH Quj. Qapla'vammo' jeQqa' DoyIchlan. tera' noH'a' cha'DIchmo' jeQbe'lu'. qen qun wanI'vam Delbogh cinema lut waghqu' lInglu'ta'. 'ej DIS 1974, 1990 je Qapqa' chaH. DIS 2006 DoyIchlanDaq cha'logh tera' qaD'a' cherlu'pu' 'e' lutIvbej nongwI'pu' law'qu'. taghchu'pu' wanI''e' lIjlaHbe'bogh vay' chenmoHmeH Qu'.

loplu' 'e' tIvlu'[]

reH vumtaH 'ej SaghtaH DoyIchlan nganpu' 'e' luHar tera'nganpu' law'. 'ach pa' Suchlu'DI' choHbej vay' vuD. vuDlIj DachoHbe'chugh 'ej DoyIchlan ngan DaqIHchugh vaj Damerlu'bej. tlhoy lop 'ej lopchu' DoyIchlan ngan law'. rInDI' yaHDaj Qu' roD tachDaq juppu'Daj ghom 'ej wornagh lutlhutlh (rut wornagh 'Iq tlhutlhlu'.) 'ej yIqaw: pIjHa' Sauerkraut Soplu' 'ej Lederhosen tuQlu'. chaq DoyIchlan tIngDaq lurDech lop loplu'DI' 'oH tuQlu'. lop 'e' tIvmo' Hoch ngan, DoyIchlanDaq roD Dat loplu'. 'ach Hoch DIS jar cha'DIch qaStaHvIS loS jaj wa' lopno''a' moj yoS 'ay' law'. Düsseldorf, Cologne, Mainz je vengDaq Karneval botlh'a' tu'lu'. pa' lop 'ej ghom novpu' nuvpu' je. jechlu' 'e' tIvlu'chu'. rut clownpu', veqlargh, tlhIngan ghap 'oS jechmey.

yoSHommey[]

DoyIchlan wa'maH jav yoSHommey (Bundeslandmeyqoq) monmeychaj je 'aghtaH tetlhvam. veng'a'mey bIHmo' je, mon lughajbe' wej yoSmoHmey.

  • Baden-Württemberg, mon: Stuttgart
  • Bavaria ("Bayern"), mon: Munich ("München")
  • Berlin
  • Brandenburg, mon: Potsdam
  • Bremen
  • Hamburg
  • Hesse ("Hessen"), mon: Wiesbaden
  • Mecklenburg-Western Pomerania ("Mecklenburg-Vorpommern"), mon: Schwerin
  • Lower Saxony ("Niedersachsen"), mon: Hanover ("Hannover")
  • North Rhine-Westphalia ("Nordrhein-Westfalen"), mon: Düsseldorf
  • Rhineland-Palatinate ("Rheinland-Pfalz"), mon: Mainz
  • Saarland, mon: Saarbrücken
  • Saxony ("Sachsen"), mon: Dresden
  • Saxony-Anhalt ("Sachsen-Anhalt"), mon: Magdeburg
  • Schleswig-Hostein, mon: Kiel
  • Thuringia ("Thüringen"), mon: Erfurt
'ewrop Sepmey tlhab

AlbaniaArmeniaAzerbaijanBelarusbelghIya'Bosnia Herzegovina jeBulgariacheSqa'CroatiaCyprusDenmarghDoyIchlanKazakhstanLatvialetSeburghlIHtentay'LithuaniaMacedoniamaDyarMaltaMoldovaMontenegromu'neqone'Derlannoreghpo'lISqa'portughalraSya'RomaniaSan MarinoSaQatvelo'SerbiaSIlovenISqa'SloveniaSuverya'SuwISya'SuwomIytuqjIjQa' turIqya'UkraineVatican vengvIraS'anDo'ra''elaDya''eSpanya''eStIy'eyre''ISlan'Italya''oSteray'

Advertisement